मी घेऊन निघते गाडी
प्रचंड आत्मविश्वासाने
विचारांची चाकं धावतात
गाडीपेक्षाही जास्त वेगाने
कर्णकर्कश हॉर्न आणि नजरा
जातात अंगावरून माझ्या
वाऱ्याच्या वेगाने ...
काही नजरा ब्रेक लावण्याच्या प्रयत्नाच्या
काही कुत्सितपणाच्या ,तर काही तुला
डिवचल्याच्या दुःखाच्या....
दोन्ही मिरर मधून दिसत राहतात
उंचावणाऱ्या भिवया
आणि समोरून येणाऱ्या नजरांचे
नखशिखांत न्याहाळण्याचे कसब
विरून जाते वाऱ्याच्या झोतात !
मी पिऊन घेते हा वारा
स्वातंत्र्याचा निश्चिंतपणे !
वेळेचं आणि वेगांच गणित
होत राहतं एक्सिलेटर सोबत
तरीही माझ्यासाठी चालवायला
जरा सोप्प्या गाड्यांचीच कल्पना अन
निर्मिती झाली ....
ओढणी माझी उगीचच
लांब झाल्यासारखी वाटते तुला
अन ब्रेंक तुझ्याच हातात
असल्याचे भासही !
पण काळजी करू नकोस
मी ही शिकलेय तंत्र
गियर कंट्रोल करण्याच
नियंत्रित वेगाचं ..
नव्या युगाच्या नांदीला
स्वप्न उद्याच्या आशेचं !
ध्येय गाठण्याच्या उर्मीनं
निघालेल्या रस्त्यावर .....
छेदणाऱ्या असंख्य नजरा कापीत
निघालीय वेगानं माझी चाकं !
मला गर्दीच गर्दी हवीय
गर्दीतल्या माझ्या वेगाची !
बघ,पाउल निघालेच आहे घरातून
आता चाकं फिरताहेत वेगाने !
माझ्या चाकांनी निघालेय मी
महामार्ग होण्याच्या दिशेने ......
-आरती बोराडे
प्रचंड आत्मविश्वासाने
विचारांची चाकं धावतात
गाडीपेक्षाही जास्त वेगाने
कर्णकर्कश हॉर्न आणि नजरा
जातात अंगावरून माझ्या
वाऱ्याच्या वेगाने ...
काही नजरा ब्रेक लावण्याच्या प्रयत्नाच्या
काही कुत्सितपणाच्या ,तर काही तुला
डिवचल्याच्या दुःखाच्या....
दोन्ही मिरर मधून दिसत राहतात
उंचावणाऱ्या भिवया
आणि समोरून येणाऱ्या नजरांचे
नखशिखांत न्याहाळण्याचे कसब
विरून जाते वाऱ्याच्या झोतात !
मी पिऊन घेते हा वारा
स्वातंत्र्याचा निश्चिंतपणे !
वेळेचं आणि वेगांच गणित
होत राहतं एक्सिलेटर सोबत
तरीही माझ्यासाठी चालवायला
जरा सोप्प्या गाड्यांचीच कल्पना अन
निर्मिती झाली ....
ओढणी माझी उगीचच
लांब झाल्यासारखी वाटते तुला
अन ब्रेंक तुझ्याच हातात
असल्याचे भासही !
पण काळजी करू नकोस
मी ही शिकलेय तंत्र
गियर कंट्रोल करण्याच
नियंत्रित वेगाचं ..
नव्या युगाच्या नांदीला
स्वप्न उद्याच्या आशेचं !
ध्येय गाठण्याच्या उर्मीनं
निघालेल्या रस्त्यावर .....
छेदणाऱ्या असंख्य नजरा कापीत
निघालीय वेगानं माझी चाकं !
मला गर्दीच गर्दी हवीय
गर्दीतल्या माझ्या वेगाची !
बघ,पाउल निघालेच आहे घरातून
आता चाकं फिरताहेत वेगाने !
माझ्या चाकांनी निघालेय मी
महामार्ग होण्याच्या दिशेने ......
-आरती बोराडे
